Lidhja e Komunistëve (LK) e Kosovës u themelua në vitin 1944, si degë krahinore  e LK të Jugosllavisë. Për shkak të procesit të decentralizimit, ngjashëm me degët e tjera republikane dhe krahinore  në Jugosllavi, Komiteti Qendror i LK -së së Kosovës fitoi autonomi nga udhëheqja e partisë në Beograd që nga mesi i viteve 1960. Që atëherë, Komiteti Qendror i LK të Kosovës ishte i dominuar nga kuadrot shqiptarë lokalë, të cilët avokonin për  autonomi më të madhe të Kosovës brenda Jugosllavisë. Me Kushtetutën e vitit 1974, edhepse  formalisht pjesë e RS të Serbisë, Kosova de facto fitoi statusin e një njësie federale. Për shkak të zhvillimeve politike në Jugosllavi, në fund të viteve 1980, LK  e Serbisë nën udhëheqjen e Slobodan Milšević nisi një fushatë që synonte kufizimin e autonomisë së Kosovës. Këto veprime u kundërshtuan nga udhëheqja e Kosovës, ndërsa nën kërcënimin e ushtrisë dhe policisë, krerët e Komitetit Qendror të LK të Kosovës u detyruan të jepnin dorëheqjen.